Egoaiziaren Pro-Ekitate Plan berriaren bidea martxan
Egoaizian Genero-Pro-Ekitate Plan berria lantzeko diagnostiko parte-hartzailearen prozesua abiatu dugu. Begirada feminista eta zaintzetan oinarrituta, elkar entzun, geure burua aztertu eta erakundea eraldatzen jarraitzeko bide kolektiboa da.
Lehen aste hauetan talde eragilearekin eta talde teknikoarekin lanean hasi gara, eta Egoaiziaren sareko eta eguneroko “muskulua” osatzen duzuen guztiei inkesta bidali zaizue. Datozen egunetan, prozesuak aurrera jarraituko du gure bazkideekin egindako elkarrizketekin, Etiopian (4YBIN) eta Perun (CIPCA).
Prozesu hau Sorginlore erakundearekin batera egiten ari gara, eta eLankidetzaren babesari esker gauzatzen ari da, GBA proiektuaren baitan, barne-aldaketa pro-ekitateko prozesuak bultzatzeko.
💜 Elkarrekin jarraitzen dugu bidea egiten, denborarekin, zaintzarekin eta konpromisoarekin