GKE-k, ikastetxeek, hezkuntza-sindikatuek eta gizarte-mugimenduek osatutako nazioarteko koalizioa da HAKM, eta 124 herrialde baino gehiagotan dago. Estatuek pertsona guztiek doako hezkuntza unibertsala, kalitatezkoa eta adin guztietarako hezkuntza jasotzeko duten eskubidea bermatzea da kanpainaren xedea, hezkuntzarako eskubidea funtsezko tresna baita pobreziarekin amaitzeko.

Urtero, HAKM-k hezkuntzarako eskubidearekin lotutako gai bati heltzen dio. Bertan, material didaktiko batzuk garatzen dira, haurrek eta gazteek hezkuntzak gizarte bidezkoagoak, solidarioagoak eta jasangarriagoak eraikitzeko duen garrantziaz jabetu daitezen.

Euskadiko HAKM lurralde-taldeko kide aktiboa gara 2005etik. Gaur egun Euskadin egoitza duten 11 GKEk osatzen dute. Mobilizatu egiten gara gure tokiko gobernuei eta nazioarteko komunitateari beren promesak bete ditzatela eskatzeko, eta, aldi berean, espiritu kritikoa eraikitzen dugu eta nahi dugun aldaketaren eragile aktibo sentitzen gara.