Astelehenean, 2025eko abenduaren 15ean, Egoaiziak Agustín Ugarte Saria 2025 jaso zuen, Gipuzkoako Foru Aldundiak emana. Une hunkigarria izan zen, sariagatik beragatik ez ezik, adierazten duen guztiagatik ere.
Duela 25 urte, Eibarren, emakume gazte talde batek elkartasunaren hazia ereitea erabaki zuen. Mundu bidezkoago batekin amesten zuten, eta gertukotik eraldatzea posible zela sinesten zuten. Amets horretatik sortu zen Egoaizia. Ordutik hona, ikasi dugu elkartasuna ez dela kontzeptu abstraktu bat, baizik eta eguneroko praktika bat, konpromisoan, entzutean, laguntzan eta lan kolektiboan oinarritua.
Sari honek ez du une zehatz bat aitortzen, ezta pertsona bakar bat ere.
Bide partekatu bat aitortzen du.
Sari hau Egoaiziaren bidea 25 urte hauetan zehar erein eta ureztatu duten pertsona guztiena da: boluntarioak, lantalde teknikoa, bazkideak, erakunde aliatuak, gure lanean sinetsi duten instituzioak eta, batez ere, ateak zabaldu dizkiguten komunitateak, hemen eta Hego Globalean, errealitate zintzo eta desorekatu bat erakutsi digutenak.
Aitortza honek hunkitu eta indartu egiten gaitu. Ez helmuga gisa, baizik eta aurrera jarraitzeko bultzada gisa. Badakigulako mundua oraindik ere desorekatua dela, baina baita eraldaketa posible dela ere, elkarrekin, errespetutik eta duintasunetik eraikitzen denean.
Eskerrik asko 25 urte hauetan guztietan proiektu hau erein, zaindu eta lagundu duzuen guztioi.
Aurrera jarraitzen dugu.
Elkartasuna ereiten jarraitzen dugu.
Eibartik mundura.
Amore eman barik!