Egoaizia, ASTEKLIMA 2024 “Irabazi-asmorik gabeko erakundeen ekimenik onena” sariaren irabazlea! 🌍🌟
Konpromisoak, ekintzak eta iraunkortasunak saria dute. Harro gaude Egoaizia ASTEKLIMA 2024 sarietan GGKE eta elkarteen kategoriako ekimenik onena izendatua izan dela partekatzeaz. Aitorpen honek Euskadi bidezkoago, erresilienteago eta iraunkorrago baten alde lanean jarraitzera bultzatzen gaitu. 💚
📅 Eibarren egin zen Kontsumo Arduratsuaren eta Ekologikoaren Azokan 1.200 pertsona baino gehiago bildu ziren, ohitura jasangarriak sustatzeko eta trantsizio energetiko eta klimatikoari buruzko kontzientzia sortzeko.
👥 Eskerrik asko guztioi: Sari hau ez zen posible izango proiektu honetan sinetsi duten hainbeste pertsona eta erakunderen laguntzarik gabe. Bereziki eskertu nahi ditugu @Biolur Gipuzkoa, @Debegesa, @Debabarreneko Mankomunitatea, @Aldatzen, @EibarUdala, @Gipuzkoako Foru Aldundia, eta azoka hau errealitate bihurtzeko beren aletxoa jarri zuten beste erakunde asko.
Zer egin dugu? 🌟🌱
Ekitaldi hau topagune eta ikaskuntza-gune bat izan zen, non herritarrek iraunkortasunerako irtenbide praktikoak ezagutu eta partekatu zituzten:
1️⃣ Tailer interaktiboak: birziklatzea, showcooking-a eta eraginkortasun energetikoa.
2️⃣ Elkartruke eta moda jasangarria: objektuei eta jantziei bigarren bizitza bat eman genien!
3️⃣ Hezkuntza ekimenak: energia neurtzeko kit-a eta “Eibar Eraldatuz” mapa erabiliz hausnartu genuen nola kontsumitu modu arduratsuagoan.
4️⃣ Tokiko eta eskualdeko 30 ekimenetik gora: ekoizle ekologikoak, artisauak eta saltoki jasangarriak gure ingurumen-aztarna murrizteko alternatibak eskaini zituzten.
🏆 Sari hau guztiona da
Sari hau Egoaizia eta Aldatzen taldeen oinarri sozialari, eta honen arima diren familia, gazte eta tokiko saltokiei eskaini nahi diegu. Aitorpen honek berritzen, hezten eta Euskadi bidezkoago, erresilienteago eta iraunkorrago bat eraikitzen jarraitzera motibatzen gaitu. Eta, batez ere, gogorarazten digu elkarrekin, gizarte gisa, garaiko erronka klimatiko handiei aurre egin diezaiekegula.