"Buna: Kafe Zeremonia" Okapin zain duzu
📅 Martxoaren 5etik apirilaren 15era
📍 Café–Obrador OKAPI · Belostikale 26 · Bilbo
Istorio eta begirada hauek Bilbora iritsi dira orain Iñaki Luis (LuzNorte Films) argazkilariaren argazki-erakusketa honen bidez, Café–Obrador OKAPI-ri esker, martxoaren 5etik apirilaren 15era, Belostikale 26an.
Etiopian, eta bereziki Tigray eskualdean, kafea edari bat baino askoz gehiago da. Kafe-zeremonia tradizionala elkartzeko, hitz egiteko eta partekatzeko unea da.
Zeremonia hiru txandatan egiten da: Abol, lehenengo katilua, topaketaren hasiera markatzen duena; Tona, bigarrena, elkarrizketa sendotzen den unea; eta Baraka, hirugarrena, “bedeinkapena” esan nahi duena eta topaketaren amaiera partekatua sinbolizatzen duena.
Gerrak eta indarkeriak markatutako urte gogorren ondoren, Tigrayen kafearen inguruan biltzea emakumeentzat espazio seguruak sortzeko modu bat ere izan da: esperientziak partekatzeko, elkarri babesa emateko eta pixkanaka beren bizitzak berreraikitzen hasteko.
Erakusketan zehar, argazkiak eskuratu ahal izango dira, eta bildutako dirua Egoaiziak Tigrayko komunitateekin batera egiten duen lana babestera bideratuko da.
OKAPIRA NOLA IRITSI