KOOPERA STORE

Caritasekin lotutako ekonomia sozial eta solidarioko erakundeen sarea da: gizarteratze-enpresak, fundazioak eta gizarte-ekimeneko kooperatibak. Sare horrek enpresa-jarduerak garatzen ditu ingurumen-zerbitzuetan, berrerabilpenean eta birziklatzean (ehungintzako espezialistak), kontsumo jasangarrian (Koopera Store dendak), pertsonen arretan eta bere helburua betetzen laguntzen duten beste zerbitzu batzuetan, prestakuntza eta enplegua gizarteratzeko tresna gisa erabiliz eta gizarte ekologikoagoa, inklusiboagoa eta solidarioagoa eraikiz.

Moda-denda jasangarria, pertsona guztien eskura, kontzientzia sozial eta ekologikoarekin. Bigarren eskuko denda bat familia osoarentzat, non arropari bizitza berri bat ematen zaion, estilo askotako aukeraz eta modaz betea, baita benetako vintagea eta diseinatzaile handien enpresak ere.